آغاز محبت کے مزے اور ہی کچھ تھے

ہر دم رہِ پُر خوار سے وابستہ رہاہوں

میں عشق کے اصرار سے وابستہ رہاہوں

پوچھے تو کوئی ہم سے شب غم کی وحشتیں

صدیوں میں غم یار سے وابستہ رہا ہوں

غم دیتے ہوئے غم کا مداوا بھی ہو گئے

کچھ ایسے بھی غمخوار سے وابستہ رہاہوں

برسوں ترا منظور نظر ہوتے ہوئے بھی

اک اجنبی آزار سے وابستہ رہاہوں

آغاز محبت کے مزے اور ہی کچھ تھے

اکثر ترے دیدار سے وابستہ رہاہوں

خیر! آپ بھی فیضی کہیں وابستہ رہے ہوں

لیکن میں درِ یار سے وابستہ رہاہوں